KUNINGAN, DjalapaksiNews – Abah lieur ngabandungan lampu PJU Kuningan Caang, asa teu beres-beres ti taun kamari.
Maca di media proyek PJU teupi ayena bejana can beres, trus beres na iraha. Lamun can beres kudu na di lapangan aya keneh nu digawean, meureun aya nu keur masang PJU, meuren oge aya nu keur ngagawean perawatan lampu na.
Abah ngan saukur rakyat ayeuna-ayeuna can ningali aya petugas nu keur ngagawean PJU, nu kutingali ku Abah loba PJU nu pareum.
Kudu na mah Kuningan Caang naha jadi na kieu, lain caang malah jadi na kusut ku ribut. Aya nu bungah ku caang na, aya nu nyarekan da PJU na paeh, aya nu seuri da teu ngarti naon eta PJU Kuningan Caang teh.
Ceuk abah, ngarah teu poek ku ruet proyek PJU Kuningan Caang, abah mah satuju Kajari Kuningan turun tangan nyikapi aduan-aduan masyarakat yen proyek eta teh loba masalah.
Logika hukum na ceuk abab mah pariksa nu bener ku Kejari Kuningan eta proyek geus rampung 80% teu, trus nu 20% duit na aya keneh teu lamun aya rek digawekeun iraha. Hiji deui lamun aya tekanan saha jalma nu nekeun na. Pariksa sing tuntas ngarah anggaran proyek PJU nu sakitu gede na teu poek bae.
Kahayang masyarakat mah unggal aya proyek pembangunan di Kuningan atawa aya investor nu usaha di Kuningan kudu kaharti manfaat na keur masyarakat Kuningan jeung ulah ngarusak lingkungan.
Ditulis oleh: Ir Yanyan Anugraha
Ketua Bidang Hubungan Antar Lembaga Perhimpunan Praktisi Hukum Indonesia (PPHI) Kuningan
